Acts 22
1“Bazalwane labobaba, manje lalelani lizwe ukuzivikela kwami.” 2Bathi bemuzwa ekhuluma kubo ngesiHebheru bathula zwi. UPhawuli wasesithi, 3“Mina ngingu-mJuda owazalelwa eThasu eseKhilikhiya, kodwa ngakhuleka kulonaleli idolobho. Ngafunda ngaphansi kukaGamaliyeli ngafundiswa okugcweleyo ngomlayo wabokhokho, lami ngakhuthalela uNkulunkulu okunjengoba angabe ngubani kini lamuhla. 4Ngabahlukuluza abalandeli bale iNdlela baze bafa, ngibopha abesilisa labesifazana ngibaphosela entolongweni, 5into engafakazwa ngumphristi omkhulu kanye lenkundla. Ngaze ngathola izincwadi kubo zisiya kubazalwane babo eDamaseko, ngaya khona ngifuna ukubaletha labobantu beyizibotshwa eJerusalema ukuthi bazojeziswa. 6“Kwathi sekungaba yimini enkulu sengisondela eDamaseko, kwathi phazi masinyane ukukhanya kuvela ezulwini kwangizingeleza. 7Ngawela phansi ngezwa ilizwi lisithi kimi, ‘Sawuli! Sawuli! Ungihluphelani na?’ 8“Ngabuza ngathi, ‘Ungubani, Nkosi, na?’ “Waphendula wathi, ‘NginguJesu waseNazaretha, omhluphayo.’ 9Ababengiphelekezela bakubona ukukhanya, kodwa kabalizwanga ilizwi lalowo owayekhuluma lami. 10“Ngabuza ngathi, ‘Ngimele ngenzeni, Nkosi?’ “INkosi yathi, ‘Vuka, uye eDamaseko. Khonale uzatshelwa konke osumiselwe ukuthi ukwenze.’ 11Abaphelekezeli bami bangihola ngesandla bangisa eDamaseko ngoba inkazimulo yokukhanya yayingenze ngaba yisiphofu. 12“Indoda eyayithiwa ngu-Ananiya yeza yazangibona. Yayingumlandeli otshisayo womlayo njalo ihlonitshwa kakhulu yibo bonke abaJuda ababehlala khona. 13Wema eceleni kwami wathi, ‘Mzalwane, Sawuli, bona njalo!’ Ngasonalesosikhathi ngahle ngazuza amandla okumbona. 14“Yikho wasesithi: ‘UNkulunkulu wabokhokho bethu usekukhethile ukuthi uyazi intando yakhe lokuthi umbone oLungileyo lokuthi uzwe amazwi aphuma emlonyeni wakhe. 15Uzakuba ngufakazi wakhe ebantwini bonke ngalokho okubonileyo lokuzwileyo. 16Pho usalindeleni? Sukuma, ubhaphathizwe, ugeze kusuke izono zakho, ubiza ibizo lakhe.’ 17“Ngithe sengibuyile eJerusalema ngikhuleka ethempelini, ngafikelwa yisiyeziphupho 18ngabona iNkosi ikhuluma isithi kimi, ‘Phangisa! Suka masinyane eJerusalema ngokuba kabayikubamukela ubufakazi bakho ngami.’ 19“Ngaphendula ngathi, ‘Nkosi, lababantu bayakwazi ukuthi nganginquma lamasinagogi ngibabopha njalo ngibatshaya labo abakholwa kuwe. 20Lalapho kwakuchithwa igazi lomufi wakho uStefane ngangimi khonapho ngivumelana labo njalo ngilinde izigqoko zalabo ababembulala.’ 21“INkosi yasisithi kimi, ‘Hamba; ngizakuthumela kude kwabeZizwe.’ ”UPhawuli UngumRoma
22Abantu bamlalela uPhawuli sonke isikhathi, kodwa esetsho lokhu bavungama bamemeza bathi, “Kasuswe emhlabeni lo umuntu! Kamelanga aphile!” 23Bathi sebeklabalala, behlubula amajazi abo, njalo bephosa uthuli emoyeni, 24umlawuli wamabutho walaya ukuthi uPhawuli kangeniswe esikanisweni samabutho. Wayala ukuthi kabuzisiswe ngokutshaywa ukuthi kungani abantu babemvukela kanje. 25Bathi sebemlalisa phansi ukuthi bambhaxuze, uPhawuli wathi kumphathi wekhulu owayemi khonapho, “Kusemthethweni yini ukuthi utshaye umuntu ongumRoma ongetheswanga cala na?” 26Umphathi wekhulu esekuzwile lokho wayabikela umlawuli wamabutho wathi, “Usuzathini manje? Indoda le ingu-mRoma.” 27Umlawuli wamabutho waya kuPhawuli wambuza wathi, “Ake ungitshele, kanti ungumRoma na?” wathi, “Yebo, nginguye.” 28Umlawuli wamabutho wasesithi, “Mina ngakhupha ihlawulo elikhulu ukuzuza ilungelo lobuRoma.” UPhawuli waphendula wathi, “Kodwa mina nginguye ngokuzalwa.” 29Labo abasebelungele ukumbuzisisa bahle batshedela emuva masinyane. Umlawuli webutho ngokwakhe wethuka esenanzelela ukuthi wayebophe uPhawuli, umRoma, ngamaketane.Phambi KweSanihedrini
30Ngosuku olulandelayo, njengoba umlawuli wamabutho wayefuna ukwazi isibili ukuthi kungani uPhawuli wayebekwa icala ngabaJuda, wamkhulula walaya abaphristi leSanihedrini yonke ukuthi bahlangane. Wasemletha uPhawuli wammisa phambi kwabo.
Copyright information for
NdeIBE